.jpg)
ياجماعة بجد بشكر وبعتذر لكل الي سألوا عليه الفترة الي فاتت
فعلا اد ايه الموضوع ده رفع من معنوياتي واسعدني
وبعتذر عن تغيبي الفترة دي لحاجات كتير قوي
بين مشاكل في الشغل بلا حدود
والاوضاع الطين في الخليج حاليا
وحالة اكتئاب حاده جدا
كله مخليني مش قادر على التفكير حتى
ياريت يكون لي نصيب من دعائكم الفترة دي
واكيد هرجع تاني بس ربنا يعدي الفترة دي على خير
مش قادر اشكر ناس بالاسم علشان منساش حد ويزعل مني بس بجد مجرد سؤالكم عني خلاني اشعر بسعاده مفتقدها
تحياتي .
.jpg)
هناك 23 تعليقًا:
ضايع
ازيك وحشتنا جدا وقلقنا عليك
ربنا معاك دائما
تحياتنا للمدام واولادك الحلوين
وفى انتظارك دائما
انت فين يا ضايع
وحشتنا جدا جدا
والف سلامة عليك من الاكتئاب
ارمى همومك على ربنا واللى عاوزه ربنا هايكون
ومش مسموح ابدا تغيب عننا تانى والا هانعمل وقفات احتجاجية ونطالب برجوعك فورا
سلامى لمراتك وأولادك العسولين
والله وحشتنااا اووووي
ربنا معاك ياااارب وان شاء الله كل حاجه تعدي ع خير
باذن الله كل حاجه هتتحسن
مستنيينك :)
بقه ده كلام برضه
هو حضرتك متعرفش اننا كلنا كده وانيل كمان مشاكل في الشغل
ومشاكل في البيت وضغوط في الشغل وضغوط في البيت
ومش هتصدق لو قلتلك اني بيني وبين نفسي مشاكل جامده جدا وربنا يوفقني
واصالحني علي نفسي
مش عارف ليه انا متاكد انك اقوي من كل المشاكل دي وانك ماشاء الله دماغك حلوه اوي وان شاء الله ربنا هيوفقك ويهديك لكل ما فيه خير ليك حتي لو كان ظاهره شر
بجد مفتقد كتاباتك وخواطرك الصادقه التلقائيه الجميله
ياااااااااااااااه
حمد لله على السلامة يا ضايع
حاول متغيبش جامد كدة تانى.. وربنا يوفقك فى شغلك وفى حياتك ويسهللك امورك كلها
ربنا يكون معاك انشاء الله ويسهلك الامور
تقبل مرورى
حمدالله عالسلامه ياعمنا
ايه الغيبه دي
علي فكره
انا كمان انقطعت فتره
بس مش طويله قوي كده
كنت بخطف
أعانك اللة
خد بالك من نفسك
كل دة من تحت راس الفيزيكال كوناكت
عموما لو الامور تأزمت قول لي وانا اجيب لك طيارة محملة صعايدة ونجيب لك حقك
القدر وانا
ربنا يكرمك
ومتشكر على السؤال
ريم
راميها على الله بس غصب عن الواحد بيفكر
من غير وقفات علشان امل الدولة بيتلككو فترة وهتعدي وهتلاقوني بغتت عليكم تاني
تحياتي .......
MǿиY El-Shreef
مرسي وربنا يخليكي
دعواتك
تحياتي
ابن رشد
والله عارف بس ما باليد حيله
الواحد بيستحمل لحد معين وربنا المعين دايما
انا مفتقد حتى القراه في مدوانتكم بعرف موجز الانباء من المدام هي الي بتابعكم علطول
تحياتي
منوش
ربنا يخرمك والف شكر على سؤالك علي
دعواتك معايا
تحياتي ......
ماء تشرين
الف شكر على مرورك ودعائك
تحياتي ..
ابو العريف
لو بتقطع روح لكهربائي غالبا بتكون بوجيهات :)
تحياتي ......
مصري باشا جدا
والله انا خايف لا انا الي اتفزكل كونتاكت مع حد قريب
تعيش يا باشا وعموما هنا فيه صعايده اكتر من الي باقي في الصعيد
منتحرمش يا باشا
تحياتي ......
انت فين يا عمنا
حمد لله على سلامتك
الحرب شرسه هنا و انت ولا انت هنا
بس الحمد لله اطمنا عليك
ربنا يكرمك و يوفقك ف شغلك
كله بيعدى
ان الله مع الصابرين فتفائل خيرا ان شاء الله
حمد الله بالسلامه
الحمد لله انك بخير
مش عايزنا نسأل عليك برضه
اي ضلع ينقص من البلوج بيعمل فراغ جامد والله
احنا يظهر بقينا كلنا مهمين لبعض
اتمنالك كل توفيق وخير يارب
وتحياتي لك
يارب عمرك ما تكون ضايع ابدا
ازيك واخبارك ايه
ان شاء الله هتعدى ازمتك على خير بس انت قول يارب
وبعدين يا عم فى حد يكون عنده اولاد امرات ودمهم خفيف وسكر زى ولادك ويجيلو اكتئاب
ربنا يبعد عنك الاكتئاب والمشاكل يارب
تمنياتى لك بالخير دايما
جوجو
الحال من بعضه ياستاذ ضايع
الوضع عندنا فى دبى بعد الزفت قوى بشويتين...
وربنا يستر علينا كلنا.
والحاله النفسيه السيئه جدا اللى انت فيها انا بامر باسوأ منها صدقنى..
محدش مرتاااااح خااالص..
ربنا يسترها علينا كلنا..
اختك بنت الغربه
ازيك يا ضايع
انا جيت اسأل واطمن عليك
يارب تكون بخير
طمنا عليك
جوجو
هو انت كل شوية تغيب كده
يارب تكون بخير واحوالك تمام
حمدالله على السلامه
إرسال تعليق