.jpg)
فاكرين زمان في الرياضيات
بما ان
اذا
ه ط ث
اهو ده سبب كتابتي للموضوع ده
بما ان
انا عامل المدونه دي علشان افضفض فيها بدل ما اطق
اذا
ممكن اكتب الي انا عاوزة من غير ما حد يقعد يحسسني اني حمار
ه ط ث
الموضوع بدء من زمان شويه
في يوم من ذات الايام دخلت بالصدفه البحته على احد المواقع التي تسمي نفسها حقوقيه " المهتمه بحقوق الانسان يعني " في مصر
المهم تفاعلت جدا مع الناس دول وحسيت انهم فعلا بيحبوا مصر وبيتكلموا من منطلق سليم.
لغايه ما جاء اليوم الي تاكدت فيه من ان حسهم الوطني وحبهم للحريه ينطبق فقط ضد الاسلام
اما اذا كان موجه ضد هذا الاسلام فانه يندرج تحت بند حريه الرأي
يعني لو مسلم قال بم
تلاقي 20 واحد مسكوة غسلوة بحجه انه وهابي وارهابي
ولكن اذا قال ملحد او اي شخص عن الاسلام تارالملم فيبقى ده حقه ودي حريه رأي والمخالف ليها متخلف
الطبيعي اني انسحبت بعد ما اعطيتهم درسا اعتقد انهم لن ينسوة سريعا
المهم اني خلال هذه الفترة تعرفت على مجموعه منتقاه اعتقدت انهم يختلفوا عن البقيه وبالفعل انشأنا موقعا آخر يدعم حريه الرأي المسؤله وبالفعل بدانا منذ ما يقارب السنتين نضع نصب اعيننا اهداف كلها تصب في مصلحه مصر بين شجب قمع الحريات وتشجيع تقبل الآخر وتوثيق التعايش بين المسلم والمسيحي كنسيج للامه واعتقدت اني بكوني امثل التيار الاسلامي المعتدل في الحوار فاني بهذا اجذب باقي التيارات المعتدله.
ولكن هراء كانت احلامي
فالتعصب تغلغل في الشعب المصري تغلغل الورم الخبيث في اعضاء الجسم حيث لن تجدي معه علاجات
واصبح التعصب هو السمه الغالبه والعاليه الصوت في كل المحافل وفوجئت بما لم اكن اتصور ان اقابله يوما
حين تصف احد بانه ليبرالي فانك تعني انه انسان يدعم الحريه ويدعم المقوله الشهيره
الاختلاف في الرأي لا يفسد للود قضيه
ولكن الجديد حين ترى ليبرالي راديكالي متعصب
جمله غريبه صح؟
ازاي ليبرالي وراديكالي اذا كانت كل كلمه هي نقيض الاخر
اصبح هناك لبراليين متعصبين لارائهم التقدميه بحيث اخد الحوار منحنى فرضها على الاخر او اعلان الحرب عليه
نعم هذا بعض ما حدث
فوجدت نفسي بين ثلاث طوائف
مسلمين لايعرفون عن الاسلام إلا قشور ويصرون التحدث باسمه جاعلينه اضحوكه بين الجميع
مسيحيين متعصبين ضد اي شيئ يمت يوما للاسلام
منتسبين للاعتدال زورا وبهتانا وتخفي نفوسهم العفنه الكثير والكثير
هنا آثرت الانسحاب مرة اخرى
ولكن هذا الانسحاب آلمني كثيرا
فمن الصعب ان ترى اناساً وثقت فيهم يوما والخداع يتسرب من بين كلماتهم لتظهر وجوههم القبيحه على حقيقتها امامك
لك الله يا مصر
ستشقى دوما بابناء لم ولن يقدروك حق قدرك
التعصب مرض تغلغل بين ظهرانينا ونحن في غفله
واصبح التعصب والتعصب المضاد هم السمات الرئيسيه للحوار
واصبحت المنظمات والهيئات الحقوقيه مجرد ديكور يخفي خلفه اهداف لن تُرى بسهوله
ضاعت الكلمه بين معانٍ كثيرة وضمائر عفنه حورت طهرها إلى معان عاهرة تلوكها السن تتشدق بحريه مزعومة وتنفث سمومها في مجتمع مريض
حزين انا
.jpg)
هناك 7 تعليقات:
سلامتك من الحزن يا ضايع
لا تياس من رحمة ربنا ابدا
ولازلت مصر بخير طول ما فيها شباب زى الورد زيك
عموما كفاية عليك عمك بلوجر تنفس فيه
وبلاش تلف فى المواقع كتير
اديك جربت مرة واتنين
والثالثة.............. ايه؟
تحياتى
استاذي الفاضل
مقالتك هذه تحتاج الي تركيز شديد وتحفيز للعقل حتي يمكن التعليق عليها وذلك ببساطه لانها تختوي علي اكثر من مصيبه وكل مصيبه تحتاج وحدها لمقاله منفرده
واسمح لي ان اختار مصيبه واحده فقط واعلق عليها ولنبدا
ضاعت الكلمه بين معانٍ كثيرة وضمائر عفنه حورت طهرها إلى معان عاهرة تلوكها السن تتشدق بحريه مزعومة وتنفث سمومها في مجتمع مريض
هذه برايي اخطر مصيبه من المصائب التي وردت بمقالتك
والتي تعبر عن انسان يكاد ان يفقد الثقه في وجود اشخاص تتطابق افعالهم مع اقوالهم
بل والاخطر انهم يستمتعون بخداع البسطاء من الناس بالفاظ وعبارات ظاهرها الرحمه وباطنها العذاب
ولكن وبالرغم من هذه المصائب الا انني ما زلت متفائلا
واستشعر الامل في صلاح هذا الشعب
بالرغم ان معلوماتي بالتاريخ تنسف ذلك الامل تماما
تقبل تحياتي وتقديري
حلو قوي البوست ده قوي بجد
مصر جميله
بحبك يامصر وبجد لك الله يامصر من اللى هما فيه
ده بلدنا بقت مليانه عاهات كفايه انا
القدر وانا
للاسف انا جربت اكتر من مرة ومرتين وكل مرة نفس الاحباط
للاسف التعصب اصبح اقوى من اي صوت للعقل
عموما انا بالفعل قررت ان اضع كل كتاباتي في البلوج ويكفيني الكوكبه الرائعه التي تقرأ لي
تحياتي .........
ابن رشد
التاريخ فعلا بيقول انه مفيش فايده بس اهو الواحد كان بيحاول جايز
الشعب ده عاوز مصيبه علشان بفوق فربنا يستر
تحياتي .........
gigi
لو حسبتي نفسك عاهات امال الي قابلتهم خلال الكام سنه الماضيه يبقوا ايه؟
كلنا بنقول بحبك يا مصر امال ايه سبب نكبتها ؟
دائما اسعد بتعليقاتك الجميله
تحياتي .......
كل سنة وانت طيب يا مش ضايع
يا راجع
اصلا انت نفوخك كان خسارة في الهرطاقات اللي ربنا وداك ليها
لكن انت بتحب التجريب زي عنيك ولازمن تجرب وتتلسع علشان تصل ليقين
عارف ربنا قال ايه في القرآن
{وَوَصَّيْنَا الْإِنسَانَ بِوَالِدَيْهِ إِحْسَاناً حَمَلَتْهُ أُمُّهُ كُرْهاً وَوَضَعَتْهُ كُرْهاً وَحَمْلُهُ وَفِصَالُهُ ثَلَاثُونَ شَهْراً حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ }الأحقاف15
فيمكن كل اللي انت وصلت ليه يقينا ده اكبر خير علشان تعرف بقى طريقك قبل الخاتمة وتصل يابني لحسنها .. ايوه ها تدخل الأربعين غصم وأتدار
ربنا يبلغني انا وانت واللي بنحبهم كلهم حسن الخاتمة
وبعدين واحد زيك ممكن يفيد ناس صغيرة كتير بدل ما يتوهوا شمال ويمين
لازم تعمل ليك قاعدة من خلال مدونات ذات فكر وتتبادلوا الآراء
وهو مين ها يصلح البلد الا ناس عندها نوفوخ؟
إرسال تعليق