.jpg)
منين اجيب حب اقدمة ليك
ولا اجيب كلام يوصفه ليك
حوليه كل الناس وبدور عليك
ومن بين كل الدنيا بتوحشني عنيك
كنت شبكتلك حروفها باعذب النغمات
وعملت لك قصه يقولوها في الحكايات
قصه حب مقدرتش توصفة الكلمات
قصه حبي ليكي بتحكي اجمل حكايه
رسمت حروفها شفايف طارحه 100 وردة
ومزينها رقه ملهاش مثيل الزمن ده
لو يوم قالولي اوصفك راح اقول حورية
ولو قالوا شقاوتك راح اقول جنية
ولو قالوا كيانك راح قول حنية
ولو عرضوا عليا الدنيا اقول دنيتي هيه
.jpg)
هناك 18 تعليقًا:
ياعم الرومانسي يبتاع الحورية انت
طيب خليك رومانسي ورجع نوسة أوضة مامته يسترك
انا حاسة انه ناوي يغتالك
لسه في ولد في وادي حوف اغتال باباه وحرق الجثة
تفتكر طلعه زمان من أوضة مامته
انا قلت احذرك لحسن نوسة مش ها يسامح في حقوقه
وراي تسيب أوضة النوم كلها وتخرج تنام في الطرقة ع السلم
قد اعذر من بعجر
ايه ده ايه ده
كده على فكره هايجلنا حول فى الاحاسيس كده
وبعدين ثواني هاروح اجيب ابو رياض يقرا الكلام عشان لو ما قالش فيا شعر كده هايتعبى فى اكياس هههههههههههههههههههههههههههه
تحياتي لحضرتك
السلام عليكم ورحمة الله وبركاته
حياك الله
بجد كلمات نابعة من احساس مرهف
سلمت يداكى تدوينه رائعه
اية الحب دا كلة والروملنسية دى
يا بختها
يا ترى مين هيا
معلش اول زيارة لسة بتعرف
تحياتى لرقة كلامك
اية الشعرم الجامد دة
يا بختها يا عم
اما تتجوز ابئا افتكر الكلام دة
خد بئا البيت دة ايجار قانون جديد
الورد فتح عالاغصان والكرمب لسة ما فتحشي
يا نسيم روح قول للخلان أنا قلبي بهواهم محشي
ستوته
لن يحدث ابدا وعلى جثتي ان نوسه يرجع
يغتالني يقطعني خلاص نلنا الاستقلال
وانتي عارفه
الاستقلال التام او الضرب بالحزام
منورة
صبرني يارب
يعني هو ابو رياض مبيقولش كلام حلو ولا لازم تحطي للراجل العقده في المنشار وتخليه يكرهني؟
وبعدين ممكن يكون من رجال الافعال وليس الاقوال ويكون بيقول احلى كلام بافعاله الحلوة بدل ما يبقى زيي بيقول كلمتين ويطلع ترابنتينها جنان
منورة المدونة دائما
عاشقة الشهادة
اشكرك لكلماتك الرقيقه
تحياتي ........
زوجة عنيده
منورة البلوج
بالنوسبه لهيه مين انزلي تحت عدد 2 بوست وانتي هتعرفي نوبذه عنها
وهتقولي الله يكون في عونك يا ضايع
تحياتي ......
مصري جدا
وحياتك يا باشا متجوز وخلصت نص المده حسن سير وبرضه مخرجتش
اصلي واخد تابيده فات منهم 12 سنه
ربنا يفك سجن الجميع
منورني دائما
طب تعالى اتظلم لك من أمر الحبس
12 بس لسة بدريييييييي
انا 14
كلمات رقيقة ومشاعر ارق
والله جميل انك متزوج من 12 سنة (الله واكبر) ولسة بتقول شعر
انا اسالت بابا مرمر فين رومانسيتك الجميلة وشعرك الرائع اللى دوختنا بيه سنين قبل الجواز تتعبد فى هوى المحبوبة اللى اصبحت مراته
يرد ضاحكا هى اول مهام الزوجة انها تقتل الرومانسية داخل الرجل وتقعد مطمئنة بعد كده
دام الله عليك رومانسيتك
وامتعنا بها
كلمات رقيقة ومشاعر ارق
والله جميل انك متزوج من 12 سنة (الله واكبر) ولسة بتقول شعر
انا اسالت بابا مرمر فين رومانسيتك الجميلة وشعرك الرائع اللى دوختنا بيه سنين قبل الجواز تتعبد فى هوى المحبوبة اللى اصبحت مراته
يرد ضاحكا هى اول مهام الزوجة انها تقتل الرومانسية داخل الرجل وتقعد مطمئنة بعد كده
دام الله عليك رومانسيتك
وامتعنا بها
كلمات رقيقة ومشاعر ارق
والله جميل انك متزوج من 12 سنة (الله واكبر) ولسة بتقول شعر
انا اسالت بابا مرمر فين رومانسيتك الجميلة وشعرك الرائع اللى دوختنا بيه سنين قبل الجواز تتعبد فى هوى المحبوبة اللى اصبحت مراته
يرد ضاحكا هى اول مهام الزوجة انها تقتل الرومانسية داخل الرجل وتقعد مطمئنة بعد كده
دام الله عليك رومانسيتك
وامتعنا بها
معلش انا اذكى اخواتى اكتبلى اسم البوست
:)
مصري باشا جدا
ربنا يعينك يا ريس ويصبرك
هقولك ايه بس
تحياتي............
---------------------------
القدر وانا
متحرمش من كلماتك الرقيقه دائما ربنا يخليلك بابا مرمر وتخليه يطلع احلى رمانسيه ماهي الرومانسيه دي مجرد رد فعل صدقيني.
----------------------------
زوجه عنيده
ادي بصه على " لندن الدور التاني " وبعديه عالشمال هتلاقي " في بيتنا مراهقتين "
لغايه ما اخلص عليها قصدي اخلص البوست المخصوص بتاعها
تحياتي ........
كلمات جميله جداااا
واسلوب مميز
دمت بكل خير
إرسال تعليق